--------------------------------------------------------------------------------
السلام عليكم الى كل من يعشق الدارمي العراقي هذهه مجموعة من
الدارميات وانتضرو انشاء الله كل الوان اشعر الشعبي العراقي عن قريب
ولاتنسونا با الدعاء
صرت اني حايط طين ساسي بوسط ماي
انثلم .بس ماطيح ومدوخ اعداي
گصبة اني ساسي بنار يالساسك بماي
واكف خفت (1) ضليت ومدوخ اعداي
رمحي صلبي بدنياي اگلگ ولا طيح
وماملت وية المال من هبت الريح
ــــــــــــــــــــــــــــــــــــــــــــــــــ ـــــــــــــــــــــــــــــــــــ
الدنيـــا بس ويـــاي شـَــدّت عداوه
ولا واحد إمن الناس لجروحـي داوه
الدنيـا للتهِـواه تِرقــــص إمفرعــــــه
وآنه تجيني إبمــوس وتگلّي إبلعـــه
الدنيا للتهــــواه ترگصـــله جــــــوبي
وآنه الفگـر يا ناس شگالي ثوبــــي
ــــــــــــــــــــــــــــــــــــــــــــــــــ ـــــــــــــــــــــــــــــــ
لاتســأل إعلى الحـال خلـّيهـــا سكتـــه
تسأل على المگتول والگــاتل إنت
شحچي وتريد الناس من عندي أحچي
دمعتي إبطرف العين بـس أحچي أبچي
يسألني البطران حالــك إشلونـــــــــــه
الغاضب الله إعليه هم ينشدوونـــــــــه
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
ناقـــه إشكثر للغير درّن ثدايــــــــــــاي
تاليهـــا للگصّــاب ودّتـــــني دنيـــــــاي
ماهًمني الگصّــــــاب من علّــك إچلاي
همني الصديق الگال عيّـرلي من هاي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
مع تحيات اخوكم مصطفى
موضوع: الى محبين الشعر الدارمي 
الإثنين سبتمبر 24, 2007 11:45 pm
