شوق لولاية علي

شوق لولاية علي

خذاني الشوق وتذكرت مولود الوصي ولولايتي حنيت

خنكتني السوالف وجرعتهن وبخيالي ويه الوفه تعنيت

خذتني الروح للميدان والسوك الجبير وللصحن طبيت

شفت باب الذهب متيبدله بفضة

وحمامات الصحن يتكاوتن من جوعهن مرضه

صحت من وحشتي وخوفي يداحي الباب ليش اعله الظلم ترضه

-شلت حر المعاتب من حمار الكاع وبجف الصبر من حركتي

توضيت

سلمت الكلب بيدين ابو الحسنين

جزيت المضئ وما قصرت من اوكفت صليت

واحله البالعمروكفه بضريحك ياعلي من الكلب ناديت

وبلهجت قبل دانشت روحي خل ارد للبيت

لاجن ضيعت نص العمر غربه

ولاجن ضاكت الدنيه وغدت صعبه

ولادربي التركته سنين تاه وتيهت دربه

تكول احلم جنت باللي جرالي ومن منامي صحيت

والصحن الاميربمولده منالبيت للحضره مشي تمشيت

وبدربي حنين وشوق كول ويامن اتلاكيت

ويه الوالده تلاكيت

اه ياذاك الزمان

اه ياطبع الحنان

سالت الوالده وجان الغرض مني افرحها

كلت ماضنهه تعرفني خل اشوي امازحها

ماحسيت قلب الام جرح ملجوم والواجب اصارحهه

شصارحها

شكللها

عليمن اسال بهاللحضه كلشي نسيت


وهي اللي بدت تسال وتنشدني ها يبني شوكت رديت

يوليدي شعجب بالموزمه ماجيت

يبني ما لاحك خبرنه يمه والله الدهر ذبنه

يبني عده علينه ليل مدلهم وثكل حزننه

يبني خلاني اعيش ابين هجرك ياوليدي وبين الام ومحنه

وصرت جني مزوهره دواره ادور اعليك اشكيلك وضعنه

يمه وين انت صفيت تعطلت وعليك متشوش فكرنه

كلي تيهت الدرب لوصادفك مكروه يبني واخرك تحضرليلنه

ارد اسالك هم سمعت بساعت السوده ييمه مثل ما احنه سمعنه

هاي ساعة توهدن انكتبت ويانه مننولدنه مدري بيها احنه انكتبنه

هم بفاك الخبر طك جرح البزايز قهر وتصوفر زرعنه

محنه والله الوكت عدنه الدنيه عكست بينه مارغبت طبعنه

كضينه بخلافك ليالي سود موليله وكضت ونزال همنه

قبل اتذكر زمان البي جنت اتنومس بجالك

صرت هاليوم اعيش بوسط محنه

وذاك بيت اللي جمعنه

تهدم بدان الدهر يوليدي وتشتت جمعنه

وصرنه مثل الغربه تكبر بينه الام المدينه

وبالالم والخوف صرنه يبني مالاحك خبرنه

يبني والله الوكت ذبنه


الشاعر الكبير الحسيني , فاضل مظفر

انشالله تعجبكم

مشكور والله موضوع روعه
تحيه من
العملاق