الحــــلاقة بالعراق العظيم
خيط ماكو زيان ماكو الحلاقه انــــعدمت بهذا البلــد
يعني فد شهرين واحـــدنا يصير تشـــوفه من بعيد
حسبالك اسد .هددوا الحلاق كالـــوا ينكتل وانــسطر
حلاقي ظل مايفتهم بالمشـــط كالوا هذا اكبر حــرام
الخيط ويه الموس ميجوز وأثم والمكاين كـــسروها
ويه الغراض وبعد محد يفتح حلاقه للزلم شـــــــعر
راسك يعني يوصــل للرجل واللحايه توصل للــحزم
يعني والله نصير للعالم فلم تخيل انت وشوف واقعنا
المريض شعب كامل مايزين راسه والشعر لوطــــال
يوصل للرجل ويكوم ماينفرك الا بازه واللحايه نكوم
نحلقهـا بكزازه والكذلــه تكــوم تتمشط بمــكناســه
واني حلاقي اشتكالي والله ابطل لو احصل وظيفــه
صح شغله فلـــوس بيها مـرتـبه وكلـــش نظــــيفه
موحلاقه تكول جبهة . اصبحت شغلتنا مخيفه بيـدي
رمـــانه وازين وحــاط هـــاون وعــامل علقذيفـــه.
موضوع: الحلاقه في العراق العظيم 
الثلاثاء أكتوبر 09, 2007 2:50 pm
