هدية لكل عضو جديد فى المنتدى ‍‍‍‍,’,’............???!!!!!!!!

بســ الله الرحمن الرحيم ــم



,’,’ هدية لكل عضو جديد فى المنتدى ‍‍‍‍,’,’


كيف نجعل من هذا المنتدى الأفضل ؟



ماهو المنتدى ..!!المنتدى هو بيتك الثانى وفيه أصدقائك وإخوانك يشاركون معك في المعرفه وفي المزح ويحزنون لحزنك ويفرحون لفرحك
وحالياً كثرت المنتديات وأصبح هناك سباق للمنتديات وكل عضو يتمنى أن منتداه يكون الأفضل ويفتخر به بين اصداقائه

فكيفك نجعل منتدانا هو الأفضل ؟؟

الحل بسيط ،، ونتكلم بالبلدى أحسن



أولاً : [[ تشجيع الأعضاء الجدد ]]
هي دى البداية وأنت أكيد فاكر أول يوم جيت فية للمنتدى وكتبت موضوع و تمنيت يرد عليه الكل ،، وبتشجيعنا للأعضاء الجداد هنشجعهم على الأبداع فمنهم سيخرج لنا كتاب رائعين في الأدب والشعر وكتاب متميزين في النقد البناء أو في
أي مجالات تانية يصبح فيها الإبداع حقيقى
والعضو الي دايما يكون الأول في الترحيب هنسميه حبيب وكبير وقلبه طيب

ثانياً :
[[ قبل أن تكتب أي موضوع في أي قسم معين يجب أن ترد على موضوعين اوثلاثة أو أكثر ]] وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الإبداع أكثر فاكثر وأنت إذا رديت على مواضيعهم الكل بيرد على موضوعك إذا كان يستحق
والعضو الي دايم يرد على المواضيع هنسميه ،، محبوب الكل

ثالثاً : [[ تشجيع المواضيع التي يكتبها أصحابها ]]
أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فِكره أو معلومه أو إنقل من كتاب أو مجلة مايستحق النشر
والعضو الي دايماً يكتب مواضيعه بنفسه هنسميه النشيط المتميــز

رابعاً : [[ الكلمة السحرية ]]
وهي أن تكتب كلمة [ شكرا على هذا الموضوع ] كلمات قليله لن تتعبك او تنقص من قدرك أو كبرياءك ،، كتير بنشوف مواضيع عدد قرائها فوق السبعين أو الثمانين ومن هولاء فقد يرد على صاحب الموضوع واحد أو ثنين وأكثر الأوقات تجد الموضوع خالي من أي رد ..!! بتبقى حاجة تحزن :بكاء: ..
يعني أنت عاوز الكل يرد على موضوعك وأنت مكسل تكتب كلمتين
وتجامل صاحب الموضوع .. طيب ليه ؟؟ دى الكلمه الطيبه صدقه
ونسمى العضو الي دايم يشارك ويحث الاعضاء على المشاركه ،، الكبيـــــر

خامساً : [[ محاربة الشليله ]] ودا بقى مرض ربنا يكفينا شره !
والله أخطر شيء يهدد أي منتدى وكثير من المنتديات هرب منها اعضائه لهذا السبب ،، وشلة يعنى أن يتفق الأعضاء ويقولوا [ احنا والله شله إرتحنا لبعض وميش عايزين واحد جديد يدخل بينا ،، والاتفاق هو ترد على موضوعي أرد على موضوعك ] ويروح فيها الضعيف [ العضو الجديد ] ومحدش يسأل فيه لغاية لما يمل وينسحب من المنتدى ،، وطبعاً علشان إحنا بنى آدمين ، يعنى متقلبين ، هنلاقى الشله دى
فى يوم من الأيام إنقلبوا على بعض ، ولاعاد رد ولاعاد كلام ولاسلام ، ويبقى
كدا إنتهى المنتدى وكل سنه وإنت طيب ، لانفعوا المنتدى ولا نفعوا نفسهم
سادساً : [[ التواصل بين الأعضاء ]]
التواصل بين الأعضاء في الأفراح نهنيهم وفي الأحزان نواسيهم [ شوف تخيل نفسك مريض الله لايقدر يعنى ، أو مسافر ، أو غايب لأى سبب من الأسباب
لكن لما رجعت المنتدى ، لقيت توبيك وإتنين معمولين علشان يسألوا عنك ]
قل لى بس على شعورك وإحساسك هيكون عامل إزاى ، أكيد فرحان ومبسوط
إن فيه ناس فاكراك وبتسأل عنك ، ودا بقى اللى نسميه التواصل ، يعنى الحب
سابعاً : [[ التقليل من المواضيع المنقوله ]]
بعض الموضيع مهمه ويجب أن تنقل وتنتشر في كل المنتديات ،، لكن مسألة إنك تشوف أي موضوع يعجبك وتنقله لا ويمكن يكتب عشر مواضيع في اليوم ( تخصص قص ولصق ) ودا شيء يزهق ويضايق الناس ، وليه هنسميه منتدى
طيب منخلينى بقى قاعدين أمام التلفزيون نسمع أخبار وخلاص ، وملهاش لزمه
نيجى المنتدى ، طالما العملية كدا ،، قص ولزق ..

ثامناً : [[ بلاش نزودها فى الهزار ]]
يعنى روحك خفيفة ومقبولة ماشى ، وإحنا كمان عايزنها كدا ، لكن حاسب
من الفهم الخطأ !! أمال إيه ، خد بالك ،، ميش كل الناس ممكن تتحمل هزارك

تاسعاً : [[ التقليل من المشاكل وحوادث السيارات ]]
طبعاً ميش حوادث من اللى بالك فيها الله لايقدر ، أنا أقصد الإلتحام بين إتنين من الأعضاء ، يعنى مشكله تحصل وتبقى على الملأ كدا والناس كلها تسمع وتشوف
لالالا ،، بتبقى بايخه وفضايح ، وناس تقول دا عنده حق ، وناس تانية تقول غلطان
طب ليه الفضايح دى ،، فيه حاجة إسمها الرسايل الخاصه ، معمولة علشان كدا
لو فيه مشكلة وحد مزعلك ، إبعتله رساله خاصه وقول له ، يعنى خليها بينك وبينه .عاشراً : [[ خليك فنان فى ردك ]]
يعنى إيه فنان ؟ شوف كل واحد فينا هنا بيبا من قلمه ، يعنى شخصيتك هتبان
من ردك على أى موضوع ، وكل واحد فينا له إسلوبه فى الرد طبعاً ، فيه
واحد يحب ياخد إقتباس ، سطر أو سطرين يعلق عليهم ، وواحد تانى يقول
أنا عجبنى الموضوع كله ، ويعلق على المكتوب كله ، إذا كان دا أو دا مقبولين
أحسن 100 مره من واحد علق بطريقة تجيب خلل فى مخ صاحب الموضوع ،
يعنى واحد لاشاف الموضوع كويس ولا قرأه كويس ، ويكتبلك تعليق غريب
يبقى الموضوع بيتكلم فى الشرق ، أقصى الشرق ،، وصاحبنا بيعلق فى الجنوب !


وأخيراً:


المنتدى ليس بعدد اعضائه ،، بل بترابط اعضائه كالأسره الواحده وكما قال رسول الله عليه افضل الصلاة والسلام [[ مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى ]] وقولة عليه الصلاة و السلام [[ المؤمن للمؤمن كالبنيان يشد بعضه بعضا ]]

أتمنى تكون الهديه عجبتكم
وتقولوا فعلاً هديه مقبوله
وراح عمل بيها
كل هذا لمنتدانا الغالي منتدى بغدادي الحبيبه
يكون أفضل وأحسن منتدى
وإحنا ايضآ نكون أفضل وأحسن أعضاء
تحياتى لكم
وأتمنى لكم عضوية موفقه بإذن الله ..............تحياتي المعطرة الكم.........