حـــلــم ٍ رحــــــــل

السلام عليكم ورحمة الله وبركاته

أقدم لكم هذه القصيدة وبدون مقدمات


علما بأني ما اكتب ولا انقل لغيري



مسكيـن يـا قلـبٍ ورى الظلـع محبـوس
تجـمـح ويعـصـنـك حـنـيـات الاقـــواس

حبـيـس بـيـن اقــدام الاقــدار مـديـوس
وعــزاه يــا قـلـبٍ علـيـة الـزمـن داس

مالك سوى جـرحٍٍ بالاجـواف محسـوس
ومالك سوى جوف على الجرح حساس

دايــر ولا لــك بـالامـل خـيـط ملـمـوس
وحيـد فـي ضـكـات الاضــلاع محـتـاس

خاوي على عرشك كما حـال ممسـوس
باقـي علـى يـومٍ ســرق غـالـي الـنـاس

لاح القمـر واضهـر لـي الفكـر قامـوس
واضهر معاني نابعة من خـوى الـراس

فاض وطفح كيلـي علـى سايـر الكـوس
والمشتكى للـي سكـا المـوت مـن كـاس

جمرٍ غدى وقتي وانـا صـرت محمـوس
بـفـراق خــلٍ زاهــيٍ شـبــة الالـمــاس

أقفـى وخـلانـي مـثـل قـصـر مـرمـوس
وعـزاه يـا خـلٍ اندفـن وسـط الاطعـاس

ســلام يــا خــلٍ مــن الـعــام مـدمــوس
بيـن النصايـب والثـرى دون الانـفـاس

مثل الزهور اللـي اتقطـف مـن الـروس
من عقب زهـوه صابـة القطـف بيبـاس

مار الزهر ينبـت عقـب قطـف ويبـوس
الا زهــوري فـارقـت حـلـو الاجـــراس

حلـمٍٍ رحـل واعطـانـي الـوقـت كـابـوس
يا وقت غـدرك زاد عـن غـدر جسـاس

مجبور احمل سيـف بالجـوف مغـروس
واضهـر ثبـات النفـس مـع قـوة البـاس

درب المـنـايـا دايـــم الـــدوم مـديــوس
والصبر مـوتٍ حيـن تنظـرك الا نجـاس


وسلامتكم

دمتم بحفظ رب العلاااا