- طبـعك شمــس - ‘ عيدية

شسولف وانتَ يمي
وآنــه حآير بيك .
بعد خليني أحيـر وياك خليني ..

خليني اعترفلك
واليحب مجبور
اضيعـن بيك اريد ولا تدليني ..

شـفتك بالگلّب
ما شفتك آنه بعين
لأن طبعك شمس ما تحملك عيني ..

مآ تگدر تعوفوك
موتتني الروح
واذا اردهـا عله دربك هم تمشيني ..

تسودن كلشي بيه
وظلّ يسولف بيك
وآنـه وياك اظل عاشگ سواديني ..

مدري شلون اشوفك
وانتَ جوه الروح
واگل لروحي يمك خل توديني ..

نص دين البشر
لو رادوا يكملـون
وآنــه الكملـت ويآك كـل ديني ..

تداوي الروح بيدك
بيدي أمرض الروح
حته النوب ترجع هم تداويني ..

يم العين اشوفك
وانت ما موجود
احسك تمشي دم بنص شراييني ..

واشوفك انتَ آنه
وآنه انتَ تصير
واذا اشتاگ الك اصفـن وأحاجيني ..


بوسط دلالي نامي - وانتي ظلي
وأذا حُبي ظلالــــه - انتي ظلّي
اشوفچ ويـــن اشوفچ - وانتي ظلي
اذا جـوه الضــو تصيـــرين بيــه